Rama wiwaha
Kacarios, Prabu Rama punika sajatosipun dewa. Asmanipun Wisnu. Panjenenganipun manjanma dados manungsa tumurun saking kahyangan dhateng donya. Sadaya kala wau awit panyuwunipun para dewa boten tentrem dipunganggu dening Nata Alengka inggih punika Dasamuka utawi Rahwana.
Salah satunggalih dinten, Prabu Rama tuwin Lesmana nembe ngumbara dhateng pundi-pundi, njajah dhusun nasak wana, dumugi nagari sanes. Nalika semanten nglangkungi Nagari Widheha utawi Manthili. Ratu utawi rajanipun kaparingan asma janaka. Kalelesan ing nagari Manthili saweg ngawontenaken sayembara. Sinten ingkang saged menthang gandhewa pusaka kraton, bade kapundut mantu, pikantuk putri ingkang kaparingan asma Shinta.
Kathah ingkang tumut sayembara. Sadaya sami nyobi menthang gandhewa, sami ngedalaken karosanipun nanging boten sami kasil. Punapa malih menthang, njunjung kemawon boten kiyat. Nanging dumugi giliranipun Rama, gandhewa dipunjunjung lin-lonan, lajeng kapenthang kanthi gampil. Sakala gandhewa tugel tengah. Swantenipun gumludhug, kados mbudhegaken talingan. Ingkang sami ningali manahipun sami gumun. Minangka bebungahipun sayembara, pramila Rama pikantuk Ayu Shinta.
-
Kapirit saka andahan kang winengku sajroning ukara, ukara dibedakkake dadi loro, yaiku ukara lamba lan ukara camboran. 1. Ukara Lamba...
-
Rama wiwaha Kacarios, Prabu Rama punika sajatosipun dewa. Asmanipun Wisnu. Panjenenganipun manjanma dados manungsa tumurun saking kah...
-
Assalamu'alaikum warahmatullahi wabarakatuh Pertama-tama monggo kita aturaken syukur dumateng Allah SWT awit meniko kita sedaya tak...
No comments:
Post a Comment