Ukara Lamba lan Ukara Camboran

     Kapirit saka andahan kang winengku sajroning ukara, ukara dibedakkake dadi loro, yaiku ukara lamba lan ukara camboran.

1. Ukara Lamba (kalimat tunggal)
     Ukara lamba yaiku kang mung isi sapangreten wae
     Tuladha: a. Bapak sare.
                      b. Ibu masak bakmi godhog.
                      c. Adhiku dolanan montoran ing ngarepan.

2. Ukara Camboran (kalimat majemuk)
     Ukara camboran yaiku ukara kang isi pangreten rangkep. Ukara camboran kapareng dadi telu, yaiku:
     a. Ukara camboran sadrajat (kalimat majemuk setara)
     Ukara camboran sadrajat yaiku ukara kang dumadi saka rong ukara lamba utawa luwih kang isih madeg dhewe-dhewe nanging isih ana gandeng cenenge.
     Ukara camboran sadrajat wujude ana telu, yaiku:
1) Sarana tembung pangiket kang samurwat: lan, karo, dene, sarta
     Tuladha:
     Dhidhik kuwi bocah pinter lan maneh sregep nyambut gawe.
     Agung katampa ing SMA 1 Boyolali dene Teguh munggah kelas telu SMP 2 Solo.
     Vivin sregep memaca sarta seneng nulis.
2) Sarana tembung pangiket kang mratelakake kosok balen: nanging, ewasemana, kosok balene.
     Tuladha:
     Lampu kamar mati, nanging ruang tamu murub.
     Lilik anggone nyambut gawe mempeng banget, ewasemana asile sithik.
     Kolahe kebak banyu kosok balene embere banyune kothong
3) Sarana tembung pangiket kang mratelakake sebab akibat: mulane, sebab, jalaran, amarga.
     Tuladha:
     Pekarangan Nardi resik banget, mulane akeh sing dolan kono.
     Sutina kerep ditimbali kepala sekolah, amarga kerep makili lomba.
     Warsita kerep playon sebab ngadhepi lomba lari marathon.
     b. Ukara Camboran Raketan (Kalimat Majemuk Rapatan)
   Ukara camboran raketan yaiku ukara camboran kang kalungguhan tembunge dikandhakake sepisan utawa ora dibaleni maneh.
     c. Ukara camboran raketan wujude ana papat, yaiku:
1) Raketan jejer
     Tuladha:
     Amir sawise adus banjur salin, terus sarapan, nuli pamitan marang bapak lan ibune.
     Jaka nimba ing sumur, banjur adus kramas.
2) Raketan wasesa
     Tuladha:
     Bapak ngasta map putih, kancane map biru.
     Kang mas nyapu latar, aku ngomah, adhiku pawon.
3) Raketan lesan
     Tuladha:
     Ibu mundut iwak mujaer, aku mbetheti, dene adhiku sing nggoreng.
     Bapak ndandani sepeda, aku sing nyrebeti, Rini sing ngleboke ngomah.
4) Raketan kayrangan
     Tuladha:
     Arif sinau ing kelas, Anto ing teras, dene Agung ing perpustakaan.
     Wingi sore Dullah mlaku-mlaku menyang alun-alun, Fuad ing dalan kampung.

2. Ukara Camboran Sungsun (kalimat majemuk bertingkat)
    Ukara camboran sungsun yaiku ukara kang salah siji kalungguhan tembunge bisa diganti utawa dirowakake, kang sinebut gatra.
Ukara camboran sung sun wujude ana papat, yaiku:
a. Gatra jejer
     Tuladha:
     Durjana diukum = sing sapa nerak angger-anggering negara diukum.
     Pakdhe Tris rawuh = kangmas Bapak kang pidalem ing Cilacap rawuh
b. Gatra wasesa
     Tuladha:
     Sarman kae blantik = mbah Sarman kae pegaweyane dol-tinuku rajakarya.
     Langite mendhung = langite peteng ndhedhet pratandha arep udan.
c. Gatra lesan
     Tuladha:
     Paiman nggendong adhine = Paiman nggendong sedulure sing enom.
     Aku tuku celengan = aku tuku piranti kang bisa kanggo nyimpen dhuwit.
d. Gatra katrangan
     Tuladha:
     Pak Wanda dhines ing Jakarta = Pak Wanda ndhines ing papan jang dadi punjering paprentahan.